Auteur: frawsen
Date: 2001-05-27 13:56:18
Seg temzi, seg useggas amenzu n ulmud, nitni deg tiggad-nsen, slemden-agh ad d-nini ayen ur yebghi wul, kkaten ad agh-rren d
inebgawen deg uxxam-nnegh, ur nezri acugher?
Ttmeslin-agh s teàrabt, zun macci deg tmurt-nnegh ay nella, ssawalen-agh-d s tutlayin tiberraniyin, tin-nnegh xati, ar melmi ad nessusem?
Deg umezruy i gh-sgharan, rran akk Laqbayel d aàraben, imselmen d aàraben ulamma llan d ifursiyen negh d ikurdiyen, Imzighen d aàraben, d nitni i d-yennan Ben Xeldun d aàrab, nghi d tidett, nugh awal-nsen, s kra icudden gher umezruy d ayla-nsen, nukni nezga kan nettwali, acgher akka?
Rran tussna d ayla-nsen, nnan-agh-d : Inctayn ayen yexdem yewwi-t-id seg lquran, seg wawal n Rebbi, Galili, ayen i d-yenna yewwi-t-id seg yidlisen n waàraben, rnu atas, atas .... I tkerkas iwumi?
Slunfan ismawen i tmura n lberrani, Cote d'Ivoire d Sahel El Adj, la Hongrie d El Madjer, ula d tudrin-nnegh ur slikent, Ifudiyen d Bni Fouda, Imceddalen d M'chedd Allah...Aci ay tebgham ghur-negh?
Ula d tutlayin n umadal d tintaliyin, hala taàrabt i d tutlayt, tamazight ar ghur-sen d Llehdja, ur nezri ansi i d-wwin awal-a?
Zemren i cwal, zemren i làar, zemren i tkerkas, zemren i txidas, zemren i tàewji,... Nukni ur nezmir ara.
|
|
